Katika Neno la Ukaribisho

Kazi ya Mungu kama ilivyo kazi nyinge katika kampuni/ taasisi nyingine yoyote ili kufanikiwa na kusongeshwa mbele ina hitaji sana rasilimali (Resources). Kanisa hapa konferensi ya Mara Mungu amelipatia rasilimali nyingi ambazo hasa ni kwaajiri ya utume wa wokovu wa mataifa.

Ofisi yetu ya Katibu Muhazini inahusika sana katika kuangalia na kutunza hizi rasilimali ambazo Bwana amelipatia kanisa lake hapa Mara. Tukiziangalia japo kwa uchache rasilimali hizi ambazo ziko katika makundi kadhaa utagundua Bwana amesha tuwezesha.

Kundi la kwanza Rasilimali Watu (Human Resources) Washiriki wa kanisa wenye vipawa, maarifa, na ujuzi. Mtaji wa kazi ya Mungu ni mimi na wewe (Waumini ndani ya kanisa) hivyo tunapaswa kuleana, kutiana moyo, kutembeleana huku tukila chakuala cha roho zetu, na kutumia taranta zetu na vipawa (ambavyo ni tofauti tofauti) kwa kazi ya utume (Warumi 212:6-7, na COL 328)

Kundi wa pili ni Rasilimali Fedha (Financial Resources) Zaka, sadaka na zawadi mbalimbali ni mafuta katika injini ya kuhudumia kanisa, shule, hospitali, kueneza injili ya wokovo na kuwasaidia wahitaji.

Tunaagizwa kusimamia fedha vizuri tangu nyumbani mwetu kwa kumfanya Mungu kuwa wa kwanza, hivyo kupatiwa hekima ya namna ya kutumia fedha ambazo Mungu ameweka mikononi mwetu kama mawakili wake. Tunakumbushwa na kukumbushana kuwa fedha hizi sio mali zetu na siki moja hazitakuwa na thamani mikononi mwetu isipokuwa zile tulizo wekeza mbinguni wa kuwa saidia wenye shida na kuendeleza utume wa wokovu wa mataifa (9T uk 245)

Kundi la tatu ni Rasilimali Mali/ Vifaa (Physical/Tangible Resources) mfano majengo ya kanisa, shule, hospitali, vifaa mbalimbali, vitabu , na technolojia. Hivi vikitumika vyema na kuelekezwa katika utume wa kazi ya Mungu, huchochea ustawi bora sana wa kazi ya Mungu.

Changamoto ni pale mali hizi zinapo telekezwa, majengo ya makanisa huwa kama magofu, nyumba kama mapango, shule kama nyumba za makumbusho, hopitali kama nyumba za waganga wa jadi. Hii huudhalilisha ufalme wa Mungu mkuu n ahata kufungia nje wale ambao wangevutwa kwa kuona ukuu wa Mungu wetu, mali hizi kwa kuwa zilitolewa kwa Mungu ni takatifu kwake. (CE uk 76)

Kundi la nne ni Rasilimali Wakati (Time Resources) Sisi sote tumepewa muda sawa, namna tunavyo tumia muda tulio pewa inaleta tofauti toka mtu mmoja Kwenda mtu mwingine. Mwandiventista wa Sabato katika amri ya nne anaagizwa mambo mawili, moja kufanya kazi kwa siku sita na la pili kupumzika siku ya saba. Wengiwetu wamejikuta wakipenda na kulizungumzia Zaidi jambo la pili, “kupumzika” sasa unawezaje kupumzika bila kuchoka, na unachokaje bila kufanya kazi na Kutenda mambo yote.

Kupoteza Muda bure ni hasara ambayo imesababisha watu wetu kuwa maskini na fukara na kuchangia katika kukosa rasilimali fedha mwishowe hata kazi ya utume inaendeshwa kwa kuchechemea. Ellen white katika COL ana sema tutatoa hesabu ya namna tulivyo tumia Muda (Col: 342)

Kundi la tano ni Rasilimali Maarifa na Habari (Knowledge & Information Resources) Mafundisho sahihi ya Biblia, maandiko ya Ellen G. White, elimu ya vitabu, pamoja na maarifa ya kisayansi na kiutawala, ni utajiri ambao Mungu amelipatia kanisa lake hapa duniani. Ukitumika vyema unasaidia katika utume wa kazi ya wokovu ambayo ni agizo la Mungu kwetu sote (Agizo la Enendeni mkawafanye mataifa…)

Tunapokutana kwenye mkutano huu makini wa kupokea taaria, kutathimini kazi, na kupanga kazi kwa kipindi cha miaka mitano ijayo, tukubali kuwa rasilimali mikononi mwa Mungu. Mungu atatutumia vyema na kwa faida na mafanikio ya kazi ya utume ambao ameuweka mikononi mwetu katika nyakati hizi za mwisho.

Pardon N. Kikiwa

Katibu Mhazini